हेटौडा हेटौडामा रहेको अत्याधुनिक ल्याबबाट २० चैतबाट कोरोनाको परीक्षण हुने भएको छ । किटजन्य रोग परीक्षण स्थलमा यस अगाडिनै निमार्ण सम्पन्न भइसकेको ल्यावलाइ परिमार्जन गरि कोरोनाको परीक्षण स्थलका रुपमा विकास गरिएको बाग्मती प्रदेशका सामाजिक विकासमन्त्री युवराज दुलालले बताए ।
मन्त्री दुलालका अनुसार कीटजन्यरोग अनुसन्धान केन्द्र (भिभिडी आरटिसी) मा रहेको प्रयोशालालाई व्यवस्थित बनाएर कोरोना भाइरसको परीक्षण तयारी गरिएको हो ।प्रयोगशालामा ६ सय परीक्षण किट आइ सकेको र ३ घन्टामा नै परीक्षणको रिर्पोट आउने गरि तयारी गरिएको छ । यसका लागि बाग्मती प्रदेश जनस्वाथ्य प्रयोगशालाका वरिष्ट ल्याव असिष्टेन्ट नारायणवहादुर कार्कीको नेतृत्वमा ५ जनाको दक्ष टोलीले परीक्षण गर्ने भएका छन् ।
ल्यावको रिपोर्ट पुर्ण सहि आउने गरि तयार गरिएको र आवश्यक पेरको खन्डमा दैनिक ३ सय स्याम्पल परीक्षण गर्न मिल्ने गरि तयार गरिएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
