मकवानपुरको हेटौंडा उपमहानगरपालिका वडा नम्बर ४ कर्रास्थित बुधबार दिउँसो सवारी दुर्घटना हुँदा एक जना गम्भीर घाइते भएका छन् ।
दिउँसो हेटौंडा–४ स्थित को १ क १५४३ नम्बरको ट्रकले साइकललाई ठक्कर दिँदा एक जना गम्भीर घाइते भएको जिल्ला प्रहरी कार्यालय मकवानपुरले जनाएके छ ।
जिल्ला प्रहरी कार्यालय मकवानपुरका प्रहरी नायब उपरीक्षक इन्द्रबहादुर रानाका अनुसार, दुर्घटनामा परी हेटौंडा उपमहानगरपालिका वडा नम्बर ९ बस्ने ३६ वर्षीय तिल गौतम रहेका छन् ।
दुर्घटनामा परी घाइते भएका गौतमलाई हेटौंडा अस्पतालमा उपचारपश्चात थप उपचारको लागि हेलिकप्टरमार्फत काठमाडौंतर्फ पठाइएको छ ।
प्रहरीले ट्रक र चालकलाई नियन्त्रणमा लिई घटनाको विषयमा आवश्यक अनुसन्धान गरिरहेको जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
