हेटौंडा उपमहानगरपालिका वडा नम्बर १० स्थित किटजन्य रोग अनुसन्धान तालिम केन्द्रमा सञ्चालन गरिएको कोरोना भाइरस ९कोभिड १९० को ल्यावमा हाल सम्म ४ सय ६२ जनाको स्वाब परिक्षण सकिएको छ ।
हिजोबाट ल्याबमा किट अभाव भएको बागमती प्रदेशका सामाजिक विकास मन्त्री युवराज दुलालले जानकारी दिए । आज बेलुका सम्म किट आइपुग्न सक्ने उनले वताए । किट अभावकै कारण हेटौंडाको कर्रामा रहेका ४ जनाको स्वाब परिक्षणका लागि हिजो काठमाण्डौ पठाइएको छ । आज पनि ६ जनाको स्वाब परिक्षणका लागि काठमाण्डौ पठाउन लागिएको छ ।
किट अभाबका कारण १० जना आइसोलेसनमा आएका मध्यमा ४ जनाको हिजोनै स्वाब परिक्षणका लागि काठमाण्डौ पठाइएको आइसोलेसन इन्चार्ज तथा हेटौंडा उपमहानगरपालिकाका जनस्वास्थ्य निरीक्षक भोला चौलागाईले वताए। कोरोना जाँच गरिएका मध्य तीन जनाको स्वाब रिपोर्ट पोजेटिभ आएको हो । तीनै जनाको रिपोर्ट यसअघिनै सार्वजनिक गरिएको छ ।
हेटौंडाको ल्यावमा निरन्तर रुपमा कोरोना भाइरसको संका लागेका विरामीको स्वाब परिक्षण गरिदै आएको र अहिले भने किट अभावले रोकिएको हो । हेटौंडाको ल्यावमा मकवानपुर, बारा, पर्षा, रौतह लगायतका जिल्लाबाट स्वाब परिक्षणका लागि ल्याउने गरिएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
