हेटौँडा उपमहानगरपालिका वडा नम्वर १८ रामधुनीमा बा ७ च ५८२९ नम्बरको हाइलक्स गाडिको ठक्करबाट ३ जना घाइते भएका छन् । घाइते हुनेहरुमा स्थानीय ३५ बर्षीय देवेन्द्र घिमिरे, २२ बर्षीय केशब घिमिरे र ५ बर्षीय बालक संविधान बानियाँ रहेका छन् ।
उनीहरुलाई उपचारको लागि हेटौँडा ११ थानाभर्याङस्थित चुरेहिल अस्पताल लगिएको छ । स्थानीयको अनुसार हाइलक्स गाडिले पहिला बालकलाई ठक्कर दिएको थियो ।
ठक्कर दिएर भाग्ने क्रममा गाडिले ना २७ प ३१७४ नम्बरको मोटरसाइकललाई ठक्कर दिएको हो । सो गाडि कालिका कन्स्ट्रक्सनको भएको बुझिएको छ । गाडिले ठक्कर दिएपछि आक्रोशित बनेका स्थानीयले ढुंगामुढा गर्नुको साथै प्रहरी चौकी ठुलोदमारमा समेत तोडफोड गरेका छन् ।
भिड नियन्त्रणका लागि घटनास्थलमा अहिले नेपाल प्रहरी र सशस्त्र प्रहरीको टोली पुगेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
