बारा र पर्सा जिल्लामा आइतबार राति चलेको हावाहुरीले प्रभावितलाई मदन भण्डारी स्पोर्टस् एकेडेमी मकवानपुरले राहत वितरण गरेको छ । बाराको हावाहुरी प्रभावित क्षेत्र पुगेर प्रभावित एक सय घरधुरीलाई मदन भण्डारी स्पोर्टस् एकेडेमीले एक लाख २ हजार बराबरको राहत वितरण गरेको हो
प्रभावित एक सय घरधुरीलाई त्रिपाल, झुल, गुन्द्री, बच्चाको पोष्टिक खाना लगायतका खाद्यन्न एवम् लत्ताकपडा वितरण गरिएको मदन भण्डारी स्पोर्टस् एकेडेमी मकवानपुरका अध्यक्ष निरज सिं ठकुरीले जानकारी दिए । राहत वितरण कार्यक्रममा युवा संघ केन्द्रीय सदस्य आरती पाठक, थाहा नगरपालिका वडा नं ११ का अध्यक्ष किरणमान बल, स्पोर्टस् एकेडेमी मकवानपुरका पदाधिकारी लगायतको उपस्थिती रहेको उनले बताए । राहत वितरणमा संविधान सभा सदस्य तथा नेकपा बाराका नेता पुरुषोत्तम पौडेल, नेता इश्वरप्रसाद ढकाल लगायतले सहजीकरण गरेको जनाइएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
