दाङमा स्कार्पियोको ठक्करबाट दुई जनाको मृत्यु भएको छ । मृत्यु हुनेहरुमा राप्ती गाउँपालिका–८ पिपरीका ८ वर्षीय निसान चौधरीको बुटवलमा र ५० वर्षीय राजकुमार चौधरी रहेका छन् ।
शनिबार राति पूर्वबाट पश्चिमतर्फ आउँदै गरेको बा २० च ५७४४ नम्बरको स्कार्पियोले ठक्कर दिँदा घाइते भएका पाँच जना घाइते भएका थिए । घाइतेमध्ये दुई जनाको कोहलपुरमा उपचारका क्रममा मृत्यु भएको जिल्ला प्रहरी कार्यालय दाङले जनाएको छ ।
अन्य घाइतेहरुमा सोही ठाउँकै ७ वर्षीया सृष्टि गुरूङ, २ वर्षीया लक्ष्मी चौधरी र उनकी २२ वर्षीया आमा गौरी चौधरी रहेका छन् । उनीहरुको बुटवलमा उपचार भइरहेको छ ।
उक्त स्कार्पियो चालकलाई प्रहरीले नियन्त्रणमा लिई घटनाको विषयमा आवश्यक अनुसन्धान गरिरहेको जनाइएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
