सुनको भाउ आज ८ सय रुपैयाँले बढेको छ ।
हिजो तोलामा ९३ हजार ५ सय रुपैयाँमा कारोबार भएको सुनको भाउ आज ८ सय रुपैयाँले बढेर ९४ हजार ३ सय रुपैयाँ पुगेको नेपाल सुनचाँदी व्यवसायी महासङ्घले जनाएको छ ।
महासङ्घका पूर्व अध्यक्ष तेजरत्न शाक्यका अनुसार अन्तर्राष्ट्रिय बजारमा आएको अस्थिरताका कारण सुनको भाउमा उतारचढाव आइरहेको छ । समग्रमा यो हप्ता सुनको भाउ तोलामा १८ सय रुपैयाँले बढेको छ ।
हप्ताको पहिलो दिन तोलाको ९२ हजार ५ सय रुपैयाँमा कारोबार भएको सुनको भाउ हप्ताको अन्तिम दिन शुक्रबार आज ९४ हजार ३ सय रुपैयाँमा पुगेको छ । यस्तै यो हप्ता चाँदी पनि तोलामा ८० रुपैयाँले बढेको छ ।
गएको आइतबार तोलाको १२ सय रुपैयाँमा कारोबार भएको चाँदी आज १२ सय ८० रुपैयाँ पुगेको छ । यो भाउ हिजोकोभन्दा २५ रुपैयाँले धेरै हो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
