जिल्ला प्रशासन कार्यालय काठमाडाैंमा लेखापढी ब्यवसाय गर्ने एक व्यक्ति सवारी पासका लागि घूसलिने क्रममा पक्राउ परेका छन् ।
ढकाल एण्ड सापकोटा सर्भिसेजका खेमराज सापकोटाले सेवाग्राहीलाई काठमाडाैंबाट धनकुटा जाने प्रयोजनको लागि सवारी पास बनाई दिने भनी घूस मागेका थिए ।
घूस मागिरहेको भन्ने सूचनाका आधारमा अख्तियार दुरुपयोग अनुसन्धान आयोग, टंगालबाट खटिई गएको टोलीले लेखापढी ब्यवसायी खेमराज सापकोटालाई रु. तीन हजार घुस बापतको रकम लिइसकेको अवस्थामा उक्त रकमसहित पक्राउ गरेको हो।
बबरमहल स्थित जिल्ला प्रशासन कार्यालय काठमाडाैंको नजिक रहेको लेखापढी सेन्टरबाट नियन्त्रणमा लिइएका उनीमाथि अहिले अनुसन्धान भइरहेको छ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
