१६ असारदेखिको लगातार वर्षाका कारण थाहा नगरअन्तर्गत् साविक पालुङसँगको यातायात सम्पर्क विच्छेद भएको छ । थाहाको भुङदल, त्रिवेणी, इन्द्रायणी खोला लगायत स्थानमा बाढीले सडक क्षतिग्रस्त भएपछि पालुङसँगको यातायात सम्पर्क विच्छेद भएको हो ।
कुलेखानीको मुख्य जलाधार क्षेत्रको रुपमा रहेको पालुङ खोलाअन्तर्गत् भुङ्दल–भैरवथान खण्डमा बाढीले सडक खोतलेर ठूला गाडी चल्न नसक्ने भएको छ । सो क्षेत्रबाट पालुङतर्फ यातायात सञ्चालन हुन सक्ने अवस्था छैन । त्यस्तै घट्टेचौरबाट पनि यातायात सञ्चालनमा बाधा देखिएको छ ।
इन्द्रायणी मोटरबाटो हुँदै पालुङ जोड्ने बाटो पनि अवरुद्ध भएको छ । इन्द्रायणी वस्ती जोड्ने ह्युम पाइप डाइभर्सन बगाएपछि यातायात अवागमन अवरुद्द भएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
