ज्यान मुद्दा लागेका थाहा नगरपालिका वडा ३ घर्तिखोलाका ३९ वर्षिय आशिष भन्ने ईश्वर विष्टलाई प्रहरीले पक्राउ गरेको छ ।
२०६१ माघ ७ गते हेटौंडा २ चौकीटोलका कमल लामाको छोरा बिरोज लामा हिउँ खेल्न भनी सिमभन्ज्याङ गएकोमा दिन कुटपिट गरी मारेर फरार रहेको सूचीमा रहेका विष्टलाई २८ माघमा प्रहरीले पक्राउ गरेको हो । विष्ठलाई २०६७ असार २० गते जिल्ला अदालत तथा पुनरावेदन अदालत हेटौंडाले ०६७ पुष २० गते कर्तव्य ज्यान मुद्दामा जन्म कैद (२० वर्ष) सजाय तोकीएको थियो । उनी फरार रहेका थिए ।
उनलाई ईलाका प्रहरी कार्यालय पालुङ खटिएको प्रहरी टोलिले थाहा नगरपालिका ३ शिखरकोट बजारबाट पक्राउ गरीएको प्रहरीले जनाएको छ ।
उनलाई कैद भुक्तानको लागि भीमफेदी कारागार पठाइएको जिल्ला प्रहरी कार्यालय मकवानपुरले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
