औषधिजन्य लागुऔषध सहित दुई जनालाई प्रहरी पक्राउ गरेको छ । पक्राउ पर्नेमा मकवानपुर हेटौडा उपमहानगरपालिका वडा नं. ६ का १९ वर्षीय सन्दिप महत र सर्लाही रामनगर गाउँपालिका वडा नं. ६ का १९ वर्षीय सनवर अली रहेका छन् ।
काठमाडौं चन्द्रागिरि नगरपालिका वडा नं. २ नागढुंगास्थित सर्लाहीबाट काठमाडौं आउँदै गरेको ना ५ ख ६५९२ नम्बरको यात्रु बाहक बस चेकजाँच गर्दा औषधिजन्य लागुऔषध सहित दुई जनालाई पक्राउ गरेको हो । महतको साथबाट नाइट्रोभेट १५ ट्याबलेट र अलीको साथबाट ६ सय ७५ ट्याबलेट गरी कुल ६ सय ९० ट्याब्लेट बरामद गरिएको महानगरीय प्रहरी प्रभाग नागढुंगाले जनाएको छ ।
उनीहरूमाथि लागुऔषध (नियन्त्रण) ऐन २०३३ बमोजिम अनुसन्धान भईरहेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
