रौतहटमा बाघको आक्रमणबाट एक जनाको मृत्यु भएको छ भने दुई जना घाईते भएका छन् । चन्द्रपुर नगरपालिका ६ का २७ वर्षीय संगम भण्डारीको बाघको आक्रमणबाट मृत्यु भएको इलाका प्रहरी कार्यालय चन्द्रनिगाहपुरका डीएसपी हेमबहादुर शाहीले जानकारी दिए ।
मंगलबार घाँस काटन जङ्गल गएका भण्डारी अबेरसम्म नफर्किएपछि खोजी गर्न गएको समुहले उनलाई कम्मरभन्दा तलको भाग बाघले खाएको अवस्थामा जंगलमा शव फेला पारेको हो । मंगलबार राति नै खोज्न गएका १४ जनाको युवाहरुको समूहलाई समेत बाघले आक्रमण गरेपछि २ जना घाइते भएका थिए । घाइते हुनेमा सोही टोलका प्रविन श्रेष्ठ र अशोक थापा रहेको प्रहरीले जनाएको छ । उनीहरु चन्द्रपुर अस्पतालमा उपचारपछि घर फर्केका छन ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
