राष्ट्रिय मानवअधिकार आयोगको अध्यक्ष भन्दै सर्वसाधारणबाट रकम असुली गरेको आरोपमा प्रहरीले संखुवासभाका ६० वर्षीय तुलसी थापालाई पक्राउ गरेको छ ।
संखुवासभा पाँचखपन–५ खमारे घर भई चाबहिल बस्दै आएका थापालाई महानगरीय अपराध महाशाखाको टोलीले दरबारमार्गबाट पक्राउ गरेको हो ।
थापाले आफू मानवअधिकार आयोगको अध्यक्ष भएको र अमेरिकामा हुने कार्यक्रममा जाँदा ५ वर्षको मल्टिपल भिसा लगाइदिने प्रलोभन देखाएर एक युवाबाट १५ लाख रुपैयाँ असुलेका थिए ।
भिसा नलागेपछि ती युवाले महाशाखामा थापाविरुद्ध उजुरी दिएका थिए । थापालाई ठगीको कसुरमा कारबाही गर्न महाशाखाले महानगरीय प्रहरी परिसर काठमाडौंको जिम्मा लगाएको छ ।
महाशाखाका एक अधिकारीका अनुसार थापाले आफूलाई यसअघि पनि मानवअधिकार अभियन्ता, उपभोक्ता अधिकारवादीलगायत परिचय देखाएर दलाली र बिचौलियाको काम गर्ने गरेका थिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
