मोटरसाइकल दुर्घटनामा परि दाङमा दुई जनाको ज्यान गएको छ ।गढवा गाउँपालिका – ७ का २६ वर्षीय सुरजनारायण चौधरी र २७ वर्षीय मनोज चौधरीको मोटरसाइकल दुर्घटनामा परेर ज्यान गएको वडा प्रहरी कार्यालय लमहीका प्रहरी निरीक्षक प्रज्वल थपलियाले जानकारी दिए ।
दुवैजना लु ५७११०० नम्बरको एउटै मोटरसाइकलमा सवार थिए । गए राति एघार बजे लमही देखि गढवा जाँदै गर्दा बलामपुर नजिक सानो राप्ती नदीको पुलमा उनीहरु सवार मोटरसाइकलले ठक्कर दिदा दुवै जना नदीमा खसेको प्रहरीले जनाएको छ ।शवलाई पोष्टमार्टमको लागि लमही अस्पतालमा राखिएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
