मकवानपुरमा प्रमुख जिल्ला अधिकारी (सिडियो) दिपकराज नेपाल आउने भएका छन् । गृह मन्त्रालयबाट सरुवाभई नेपाल मकवानपुर आएका हुन् । सिडियो नारायण प्रसाद भट्टलाई २ चैतमा जिल्ला प्रशासन कार्यालय मकवानपुरमा राष्ट्र सेवक मिलन केन्द्र मकवानपुरले कार्यक्रम गरी बिदाई गरेको हो।
जिल्ला प्रशासन कार्यालयबाट भट्ट गृह मन्त्रालयमा सरूवा भएपछि उनलाई विदाई गरिएको हो । मंसीर २३ गते सिडियोको रूपमा मकवानपुर आएका भट्टले एक सय दिन मकवानपुरमा कार्य गरेका थिए । कार्यक्रम राष्ट्र सेवक मिलन केन्द्र मकवानपुरका अध्यक्ष बद्रीबहादुर पाठकको अध्यक्षतामा भएको थियो। कार्यक्रममा राष्ट्र सेवक मिलन केन्द्रका जिल्ला उपाध्यक्ष दीर्घनारायण कोईराला, निबर्तमान अध्यक्ष रामकृष्ण थापा लगायतले मन्तव्य ब्यक्त गरेका थिए।
यसैबीच, कार्यक्रममा राष्ट्र सेवक मिलन केन्द्रका नव आगन्तुक सदस्य एवं मुख्यमन्त्री तथा मन्त्री परिषद, बागमति प्रदेशका उपसचिव मदन पोखरेललाई टीका लगाई पुष्प गुच्छा दिएर स्वागत गरिएको थियो। कार्यक्रममा मकनानपुरका सरकारी कार्यालयहरूका प्रमुख तथा प्रतिनिधिको सहभागिता रहेको थियो।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
