मकवानपुरको भीमफेदीको हात्तिसार संग्राहालयलाई थप व्यवस्थित बनाइने भएको छ । बागमती प्रदेशको उद्योग, पर्यटन, वन तथा वातावरण मन्त्रालयले डिभीजन वन कार्यालय हेटौंडा मार्फत व्यवस्थित बनाउन लागिएको हो ।
चालु आर्थिक वर्षका लागि छुट्याइएको रकमबाट ठेक्का मार्फत काम गर्न लागिएको डिभीजन वन कार्यालय हेटौंडाका सुचना अधिकारी अच्युत उपाध्यायले बताए । संग्राहालयमा पर्यटक भित्रयाउनका लागि यसको भवन मर्मत संभार गर्न लागिएको छ । यसका लागि १५ लाख रुपैयाँ छुट्याइएको उनले बताए ।
संग्राहालयमा दुर्इ वटा हात्ति सहितको प्रतिमा स्थापना पनि गर्न लागिएको छ । यसका लागि ४० लाख रुपैयाँ बजेट छुटेयाइएको छ । हात्तिसार संग्राहालयको महत्व दर्साउनका लागि हात्तिको प्रतिमा स्थापना गर्न लागिएको हो ।
हात्तिसार संग्राहालयको मुख्य प्रवेशद्वार पनि निर्माण गर्न लागिएको छ । टिकट घर सहितको प्रवेशद्वार निर्माण गर्न लागिएको उपाध्यायले बताए । यसका लागि २० लाख रुपैयाँ छुट्याइएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
