मकवानपुरको हेटौँडामा दुई वटा मोटरसाइकल एकापसमा ठोक्किएर दुर्घटना हुँदा एक जनाको मृत्यु भएको छ ।
गएराति पुर्व–पश्चिम राजमार्ग अन्तर्गतको हेटौँडा उपमहानगरपालिका वडा नम्वर १० मेनरोड भुटनदेवी मन्दिर नजिकै बुद्धचोकबाट कर्रातर्फ जाँदै गरेको ना ४९ प ६२२३ नम्बरको मोटरसाइकल र विपरीत दिसाबाट आउँदै गरेको ना ४१ प ६४३६ नम्बरको मोटरसाइकल एकापसमा ठोक्किएर दुर्घटना हुँदा एक जनाको मृत्यु भएको जिल्ला प्रहरी कार्यालय मकवानपुरका प्रहरी नायब उपरीक्षक जयश्वर रानाले जानकारी दिए ।
उनका अनुसार, मृत्यु हुनेमा हेटौँडा उपमहानगरपालिका–१० बस्ने १७ वर्षीय सगुन रुम्बा रहेका छन् ।दुर्घटना परी गम्भीर घाइते भएका उनको चितवनको पुरानो मेडिकल कलेजमा उपचारको क्रममा मृत्यु भएको प्रवक्ता रिमालले बताए ।
त्यस्तै, सोही दुर्घटनामा परी अन्य तीन जना घाइते भएका छन् । घाइते हुनेहरुमा विज्ञान रुम्बा, विजल लामा र विक्रम लामा रहेका छन् ।
दुर्घटनामा घाइते भएका बिजल र विक्रको प्रहरीको निगरानिमा हेटौंडा अस्पतालमा उपचार भइरहेको छ भने अर्का सामान्य घाइते विज्ञानलाई भने उपचारपछि प्रहरी नियन्त्रणमा राखिएको जनाएको छ ।उक्त दुर्घटनाको विषयमा आवश्यक अनुसन्धान भइरहेको प्रहरीले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
