गएराति मकवानपुरमा ३ सवारी एकआपसमा ठोक्किँदा एक जना गम्भिर घाईते भएको छ । पूर्व–पश्चिम राजमार्ग अन्तर्गत हेटौंडा उपमहानगरपालिका वडा नंबर १५ को रातोमाटे नजिक दुर्घटना हुँदा एक जना गम्भिर घाईते भएको हो ।
हेटौंडाबाट बारा जाँदै गरेको ना ८ ख १३३८ नंबरको क्लिङ्कर लोड टेलरलाई सोहि दिशाबाट जाँदै गरेको ना ६ ख ६६७८ नंबरको ट्रकले ओभरट्रयाक गर्ने क्रममा विपरित दिशाबाट आउँदै गरेको ना ६ ख ६०१७ नंबरको ट्रक संग एकआपसमा ठोक्किँदा दुर्घटना भएको जिल्ला प्रहरी कार्यालय मकवानपुरले जनाएको छ ।
दुर्घटनामा ना ८ ख १३३८ नंबरको टेलर चालक बारा परवानीपुर गाउँपालिका वडा नं।१ घर भएका २५ वर्षीय र्सफु आलमा गम्भिर घाईते भएका छन् । उनको हेटौंडाको चुरेहिल अस्पतालमा उपचार भईरहेको प्रहरीले जनाएको छ ।
दुर्घटनामा दुई ट्रकका चालक फरार रहेका छन् । उनिहरुको खोजि कार्य भईरहेको प्रहरले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
