हेटौंडा अस्पतालमा कार्यरत दुई जना डाक्टरलाई बर्खास्त गरिएको छ ।
अस्पतालमा कार्यरत जनरल सर्जन विशेषज्ञ डा। साजित अन्सारी र छाला तथा यौनरोग विशेषज्ञ डा. बुद्धिराज पाण्डेलाई अस्पतालको नियमविपरीत कार्य गरेको भन्दै अस्पताल विकास समितिको शुक्रबारको बैठकले सेवाबाट बर्खास्त गरेको हेटौंडा अस्पतालका निमित्त सुपरिटेण्डेण्ट डा प्रविण श्रेष्ठले जानकारी दिए ।
अस्पतालमा ड्युटीको समयमा निजि क्लिनिकमा काम गर्दै आएको र अस्पतालमा आएका बिरामीलाई निजी मेडिकलमा औषधि खरिद गर्न पठाउने काम गरेको पाईएपछि दुईजना डाक्टरलाई दुईपटक निलम्बन गर्दा पनि अटेर गरेपछी बर्खास्त गरिएको हेटौंडा अस्पताल विकास समितिका अध्यक्ष प्रकाश पौडेलले बताए ।
अस्पतालका अध्यक्ष पौडेलका अनुसार अस्पताले बर्खास्त गरेको डाक्टरको ठाउँमा दुई डाक्टरको खोजि कार्य सुरु गरिसकेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
