जिल्ला प्रहरी कार्यालय मकवानपुरले २ सय ७३ किलो चरेश तथा १९० किलो चरेश बनाउने धुलो सहित दुई जनालाई पक्राउ गरेको छ ।
प्रहरीले उत्तरी मकवानपुरको कैलाश गाउँपालिका वडा नंबर १ बाट धादिङ जिल्ला गजुरी गाउँपालिका ८ किरन्चोकका जीवन तामाङ तथा कैलाश १ का चन्द्रबहादुर घलानलाई प्रहरीले पक्राउ गरको हो ।
उनीहरुलाई आज जिल्ला प्रहरी कार्यालय मकवानपुरमा पत्रकार सम्मेलन गरि सार्वजनिक गरिएको हो । पत्रकार सम्मेलनमा बोल्दै जिल्ला प्रहरी कार्यालय मकवानपुरका प्रमुख मुकेशकुमार सिंहले लागु औषध चरेशको यो परिणाम निकै ठुलो तथा करिब १ करोबड बराबरको समेत रहेको बताए ।
जिल्ला प्रहरी कार्यालय मकवानपुरका प्रहरी निरिक्षक पवनकुमार झाको नेतृत्वमा गएको प्रहरी टोलीले उनीहरुलाई पक्राउ गरेको हो ।
