Sunday, 29th November, 2020
वि.स.

मकवानपुरगढी गाउँपालिकाले दशैंमा टिका लगाउन जान लगायो रोक

कोरोना भाइरसको जोखि कायमै रहेको भन्दै मकवानपुरगढी गाउँपालिकाले यस वर्षको दशैंमा आफन्तकोमा टिका लगाउन जान गाउँपालिकाबासीलाई रोक लगाएको छ । गाउँपालिकाको स्थानीय विपद व्यवस्थापन समितिको बैठकले आफन्तकोमा गएर टिका लगाउने र आफन्तलाई टिका लगाउनका लागि आमन्त्रण गर्ने कार्य रोक्ने निर्णय गरेको हो ।

गाउँपालिकाले ४ कात्तिकमा जारी गरेको सूचनामा भनिएको छ–‘विश्वब्यापी रुपमा फैलिएको कोरोना भाइरसको संक्रमण जोखिम उच्च हुँदै गएकोले दशैँ तथा तिहार घरमै बसी मनाउनु हुन, आफन्तजनलार्इ आमन्त्रण नगराउनु हुन तथा टिका थाप्ने प्रयोजनका लागि यसबर्षलाई आफन्तजनहरुकोमा जाने काम नगर्नु नगराउनु हुन त उच्च सतर्कताका साथ्च डपर्व मनाउनुहुन समस्त गाउँपलिकाबासीहरुलाई हार्दिक अनुरोध गर्दछ ।’

गाउँपालिकाका प्रमुख प्रशासकिय अधिकृत रामकुमार पुडासैनीद्वारा जारी सूचनामा दशैं तथा तिहार घर परिवारका सदस्य बीच मात्र मनाउनुपर्ने, टिका लगाउन आफन्तकोमा जान नपाइने, शक्तिपिठ, मन्दिरहरुमा नियमित पूजा मात्र हुने, सार्वजनिक स्थलमा भिडभाड गर्ने, पिङ, लङ्र्गुरबुर्जालगायतका खेलहरु खेल्न, खेलाउन नपाइने, जुवा,तास, ध्रमपान, मध्यपानलगायतका कार्य नगर्ने, दशैंमा टिका लगाउने प्रयोजनका लागि हिँड्डुल गर्न नदिने, तिहारमा द्येउसी तथा भैलो खोल्न नपाइनेलगायतका कुरा उल्लेख छ ।

 

https://thahatimes.com/public/images/users/Thaaaaaaaaaaa-1575425238.png

थाहा टाइम्स

[email protected]

यो नेपाली भाषाको अनलाइन समाचार संस्था हो । हामी तपाईहरु माझ देशविदेशका समाचार, भिडियो, अडियो र विचार प्रकाशन गर्छौ । तपाईको आलोचनात्मक सुझावको अपेक्षा गर्दछौं । सिधै केही सुझाव, समाचार र विज्ञापन दिन चहानुहुन्छ भने सम्पर्क ९८०७२९५०७२ (-सम्पादक)