मकवानपुर प्रहरीले फेरी दुई जना फरार प्रतिवादीलाई पक्राउ गरेको छ । पक्राउ पर्नेमा भिमफेदी गाउँपालिका वडा नं. ४ बस्ने ३२ वर्षीय नविन स्याङतान र मनहरी गाउँपालिका वडा नं. ४ बस्ने ४० वर्षीय लालचन्द्र प्रजा रहेका छन् ।
स्याङतानविरुद्ध जिल्ला अदालत मकवानपुरको विंस २०७६ भदौ २२ गतेको फैसलाले यौन दुरुपयोग मुद्धामा २ महिना ४ दिन कैद फैसला गरेको थियो । त्यस्तै विंसं २०६८ कार्तिक ६ गते जिल्ला अदालत मकवानपुरको फैसला अनुसार सवारी ज्यान मुद्धामा प्रजाले २ हजार जरीवाना भुक्तान गर्न बाँकी रहेको थियो ।
प्रहरीले दुबै जनालाई माघ १४ गते पक्राउ गरेको थियो । प्रजालाई जरिवान भुक्तानको लागि सम्मानित जिल्ला अदालत मकवानपुरमा उपस्थित गराईएको र स्याङतानलाई कैद भुक्तानको लागि कारागार कार्यालय भिमफेदी पठाउने कार्य भईरहेको जिल्ला प्रहरी कार्यालय मकवानपुरले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
