हेटौंडा भएको सवारी दुर्घटनामा घाईते भएका छोइगु लामाको मृत्यु भएको छ । मनहरी–१ बस्ने ६३ वर्षीय लामाको गएराति उपचारको क्रममा हेटौंडाको सन्चो अस्पतालमा मृत्यु भएको जिल्ला प्रहरी कार्यालय मकवानपुरका प्रहरी निरिक्षक अमर प्रसाद गजमेरले बताए ।
प्रहरी निरिक्षक गजमेरका अनुसार उपचारपश्चात घर लगिएको घाइते लामाको स्वास्थ्यमा समस्या आएपछि अस्पताल ल्याएकोमा उपचारको क्रममा गएराति १ बजे मृत्यु भएको हो । घाईते भएका अन्य १० जनाको स्वास्थ्य अवस्था भने सामान्य रहेको उनले बताए ।
यही फागुन ११ गते हेटौंँडा उपमहानगरपालिका वडा नम्बर २ चौकीटोलमा हेटौंँडाबाट काठमाडौतर्फ जाँदै गरेको प्रदेश–३ –०३–००१ ज ००२९ नम्बर र विपरीत दिशाबाट आउँदै गरेको ना १ ज २४६० नम्बरका सुमो ठोक्किएर दुर्घटना हुँदा ११ जना घाईते भएको थियो
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
