बागमती प्रदेश सरकारले प्रदेशमा संचालन हुने विभिन्न विकास निर्माण आयोजनाका लागि २६ जना सिभिल इञ्जिनियरको माग गरेको छ ।
प्रदेशको भौतिक पूर्वाधार विकास मन्त्रालयले सडक तथा भवन निर्माण लगायतका काममा दक्ष इञ्जिनियरहरुको आवश्यकता प्रकाशित गरेको हो । जसमध्ये १८ जनालाई राजमार्ग आयोजनामा र अन्य ८ जनालाई भवन निर्माण लगायतका संरचना निर्माणमा लगाइने छ । बुधबार सार्वजनिक सूचनामा योग्य एवं सक्षम उम्मेद्वारहरुलाई १५ दिनभित्र आवेदन गर्न भनिएको छ । सातौं तहको इञ्जिनियर र आर्किटेक्ट पदमा आवेदन दिन सम्बन्धित विषयमा कम्तिमा स्नातक तह उत्तिर्ण गरी इञ्जिनियरिङ काउन्सिलमा दर्ता भएको हुनुपर्नेछ ।
मन्त्रालयले कोभिड महामारीका बीचमा पनि प्रदेशभित्रका महत्वपूर्ण आयोजनाहरु सुचारु राखेकाले थप आयोजनाका काम अघि बढाउन जनशक्ति थप गर्न लागिएको बागमतीका भौतिक पूर्वाधार विकास मन्त्री रामेश्वर फुयालले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
