गएराति हेटौंडा उपमहानरपालिका वडा नंबर ६ को गौरिटारमा प्रहरी माथि धारिलो हतियार आक्रमण गर्ने ३ जनालाई पक्राउ गरिएको छ ।
जिल्ला प्रहरी कार्यलय मकवानपुरका प्रवक्ता ईन्द्र बहादुर रानाले घटनामा संलग्न ३ जनालाई पक्राउ गरिएको जानकारी दिए । प्रवक्ता रानाका अनुसार पक्राउ पर्नेहरुमा हेटौंडा उपमहानरपालिका वडा नंबर ६ का २६ वर्षीय भक्तराम राउत,१६ वर्षीय उत्सव गौतम र ५० वर्षीय नकुल विक रहेका छन् । पक्राउ पर्नेहरु लागूऔषध सेवनकर्ता रहेको बताईएको छ ।
घटनामा घाईते भएका ईलाका प्रहरी कार्यलयका चौघडाका प्रहरी सहायक निरीक्षक डम्बर बहादुर केसिको उपचार भरतपुर अस्पतालमा भईरहेको जिल्ला प्रहरी कार्यलय मकवानपुरले जानकारी दिएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
