थाहा नगरपालिका वडा नं ११ खुकुरी मैदानमा शुक्रबारबाट प्रथम अष्टमान स्मृति कप फुटबल प्रतियोगिता आयोजना हुने भएको छ ।
स्थानिय टोल विकास संस्थाको आयोजनामा हुने कार्यक्रमको उद्घाटन थाहा नगरपालिका प्रमुख लबशेर बिष्टले गर्ने थाहा नगरपालिका वडा नं ११ का वडाध्यक्ष किरणमान बलले बताए ।
प्रतियोगिताको प्रथम हुनेले नगद ४० हजार नगद, शिल, मेडल, प्रमाणपत्र प्राप्त गर्नेछन् भने द्धितिय हुनेले २५ हजार नगद, शिल, मेडल, प्रमाणपत्र र तृतिय हुनले नगद १५ हजार सहित शिल,मेडल,प्रमाणपत्र प्राप्त गर्ने थाहा–११ का वडा अध्यक्ष बल जानकारी दिए ।
मकवानपुर र धादिङ जिल्लाका गरी १६ वटा समुहले भाग लिने कार्यक्रमको उद्घाटनमा जिल्ला खेलकुद विकास समिति मकवानपुर र जिल्ला फुटबल संघका पदाधिकारीहरुको सहभागिता रहने छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
