हेटौंडा उपमहानगरपालिका–१४ नयाँबस्तिस्थित पोखरीमा डुबेर मंगलबार बिहान डेढ वर्षीय बालकको मृत्यु भएको छ ।
नयाँबस्ती घर भएका स्थानीय अस्मिन थिङको पोखरीमा डुबेर ज्यान गएको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक इन्द्रबहादुर रानाले जानकारी दिए । खेल्ने क्रममा पोखरीमा डुबेर बालकको मृत्यु भएको जनाइएको छ ।
यसैगरी मकवानपुरको भीमफेदी गाउँपालिका–८ दोभानमा रहेको माण्डु हाइड्रोपावरमा २७ साउन नै एक जनाको शव फेला परेको छ । हाइड्रोपावरको पानी जम्मा गर्ने स्थानमा एक पुरूषको शव फेला परेको हो ।
फोहोर सफा गर्ने क्रममा वाग्मती खोलाले बगाइ ल्याएको शव देखेपछि स्थानीयले प्रहरीलाई खबर गरेका थिए । शवको पहिचान हुन नसकेको र पोष्टमार्टमका लागि हेटौंडा ल्याउने जिल्ला प्रहरी कार्यालय मकवानपुरले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
