मकवानपुरका अग्रज पत्रकार प्रताप विष्ट प्रवल जनसेवा श्री चतुर्थ श्रेणीबाट विभूषित हुनुहुने भएको छ । चौथो संविधान दिवसको अवसरमा बुधबार गृहमन्त्रालयले सार्वजनिक गरेको विभूषण तथा पदक सम्बन्धी सूचनाअनुसार मकवानपुरका अग्रज पत्रकार विष्टलाई सम्मान गरिने जनाएको छ ।
यसअघि विष्टले जनश्री सेवा पदक पाँचौंबाट २०७१ सालमा विभूषित भइसक्नुभएको छ । संविधान दिवसको अवसरमा घोषणा गरिएको पदक गणतन्त्र दिवसको अवसरमा २०७६ जेठ १५ मा राष्ट्रपति विद्यादेवी भण्डारीले वितरण गर्नुहुनेछ ।
४ दशकभन्दा लामो अवधिदेखि पत्रकारितामा क्रियाशील विष्टले लोपोन्मुख समुदाय र समाजका पछाडि पारिएका समुदायको पक्षमा कलम चलाउँदै आउनुभएको छ । त्यस्तै मकवानपुरका मुर्तिकार लक्षमण बहादुर घर्ती (भुजेल) जनसेवा श्री पञ्चम श्रेणीबाट सम्मानीत हुनुहुने भएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
