नेपाल शिक्षक महासंघ थाहा नगरपालिकाको अध्यक्षमा राजाराम कार्की चयन भएका छन् ।
नेपाल शिक्षक महासंघ स्थानीय तह गठन प्रक्रिया अन्तर्गत कार्कीलाई अध्यक्षमा चयन गरिएको हो । अध्यक्ष कार्कीसहित तीन पदाअधिकारीको नामावली घोषणा भएको छ । हेटौंडा क्याम्पसमा भएको घोषणा तथा शपथ ग्रहण कार्यक्रम नेपाल शिक्षक महासंघको केन्द्रीय सदस्य छोटुलाल शाहको प्रमुख आतिथ्यमा भएको घोषणा कार्यक्रममा सहअध्यक्ष महेन्द्र प्रधान, उपाध्यक्ष हरिशरण रायमाझी र सचिव गणेशमान श्रेष्ठ घोषित भएका हुन् ।
कार्यक्रम नेपाल शिक्षक महासंघ मकवानपुरका अध्यक्ष जिधराज ढकालको सभाध्यक्षतामा भएको हो ।
आफू अध्यक्षमा निर्वाचित भएपछि कार्कीले सम्पुर्ण शिक्षक, पार्टीको जिल्ला तथा नगर नेतृत्वलगायत सम्पूर्णमा आभार व्यक्त गरेका छन् । उनले आगामि दिनमा साथ र सहयोगको अपेक्षा समेत गरेका छन् । महासंघ थाहानगरले यहि भाद्र महिनाभित्रमा पूर्णता पाउने बताइएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
