कोरोना भाइरस (कोभिड–१९) को महामारी विश्वमै फैलिरहेको सन्दर्भमा थाहा नगरपालिकाले नगरका विभिन्न मन्दिर तथा चर्चहरुमा हुने पुजापाठ तथा धार्मिक कार्यमा भिडभाड नगर्न अनुरोध गरेको छ । कोरोना भाइरस रोकथाम तथा नियन्त्रण समन्वय समितिको सचिवालयले यस्तो निर्णय गरेको हो ।
थाहा नगरपालिकामा शनिबार चर्चहरुमा भिडभाड हुने तथा शनिबार नै विभिन्न मन्दिर तथा धार्मिक क्षेत्रहरुमा भिडभाड हुने भएकोले त्यस्तो कार्यमा पुजारी तथा पाष्टरबाट मात्र गर्न गर्न गराउन निर्देशन जारी गरेको छ ।
कोरोना भाइरसबाट सतर्कता हुनको लागि र सुरक्षाको लागि यस्तो निर्णय गरिएको थाहा नगरपालिकाका प्रमुख प्रशासकीय अधिकृत हरिलाल पुरीले जानकारी दिए । अवस्था सामान्य भएपछि भने साविककै झै पुजापाठ, प्राथनाको व्यवस्था मिलाउन पुरीले सबैलाई अनुरोध गरेका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
