मकवानपुर थाहा नगरपालिका र इन्द्रसरोवर गाउँपालिका क्षेत्रको आकाशमा सलहको हुल देखिएको छ ।
१५ असारमा थाहा नगरपालिका वडा नम्बर २ को ठूलोबेशी फाँट र ३ घर्तिखोला डाँडागाउँ क्षेत्रको आकाशमा सलह किराको हुल देखिएको कृषक सुदर्शन कार्कीले बताए ।
थाहानगरको दामन पालुङ क्षेत्रमा केही मात्रामा खेतबारीमा पनि सलह बसेको किसानहरुले बताए । ‘सलह थोरै संख्यामा खेतबारीमा देखिएको छ तर क्षति पु¥याइसकेको छैन’– कृषक योगेश बर्तौलाले भने ।
यसैबीच पालुङ क्षेत्रमा देखिएको भोलिपल्टै चित्लाङ विसिङ्खेलको आकाशमा ठूलो संख्यामा सलह देखिएको कृषि प्राविधिक कमला सुवेदीले बताइन् । वडा नम्बर १० को बालीमा भने क्षति नपु¥याएको उनको भनाइ छ । खेतबारीमा थोरै संख्यामा सलह देखिएको स्थानीय कृषक उद्धव लामिछानेले फेसबुक स्टाटस लेखेका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
