नेपाल खाद्य संस्थानले दशैंका लागि हेटौंडाबाट ६ सय २५ ओटा खसीबोका किन्ने भएको छ । संस्थानको हेटौंडा औद्योगिक क्षेत्रमा रहेको डिपोले सो सङ्ख्यामा खसीबोका खरीद गर्न लागेको हो ।
१५ असोजबाट खरीद शुरू गरिने खाद्य संस्थानका अधिकृत पवित्र गौतमले बताए । किसानले पालेको खसीबोका सीधै संस्थानको डिपोमा ल्याएर तौल गरी विक्री गर्न सक्ने जानकारी उनले दिए ।
थोरै सङ्ख्यामा खसी विक्री गर्ने किसानलाई त्यसको रकम नगदै भुक्तानी गर्ने र धेरैओटा विक्री गर्ने ९विशेषगरी व्यावसायिक फार्म०हरूलाई चेकद्वारा भुक्तानी दिइने गौतमले जानकारी दिएका छन् । ३ वर्षअघि संस्थानले हेटौंडाबाट १ हजार खसी खरीद गरी काठमाडौंका उपभोक्तालाई विक्री गरेको थियो ।
