मकवानपुरको थाहा नगरपालिका सक्रिय कोरोनामुक्त भएको छ । अहिले थाहा नगरपालिकामा कोही पनि सक्रिय कोरोना संक्रमित नभएको थाहा नगरपालिकाले जनाएको छ ।
नगरपालिकामा पछिल्लो साता कोरोना संक्रमित नभेटिएपछि नगरपालिकाद्वारा संचालित बज्रवाराहीस्थित क्वारेन्टाइन खाली छ । लकडाउन हटेसँगै थाहा–६ बज्रवाराहीस्थित ओम अध्याय रिसोर्टको क्वारेन्टाइन हटाइएपछि बज्रवाराहीकै सुमार्गी भवनमा क्वारेन्टाइन निर्माण गरिएको थियो ।
अहिले थाहा नगरपालिकामा होम आइसोलेशनमा पनि कोही नरहेको नगरपालिकाको स्वास्थ्य शाखा प्रमुख मेघराज बलामीले बताए ।
पछिल्लो समय नगरमा कोरोना संक्रमित नभेटिए पनि कोरोना रोकथाम तथा नियन्त्रणका लागि नगरपालिका तयारी अवस्थामै रहेको नगरपालिकाका प्रमुख लवशेर विष्टले बताए । अहिले नगरपालिकामा कोरोना नियन्त्रणका लागि आवश्यक स्वास्थ्य तथा सरसफाइसम्बन्धी उपकरणहरु मौज्दात रहेको नगरपालिकाले जनाएको छ ।
यसअघि थाहामा जम्मा एक हजार ४३६ जनामा पिसिआर विधिबाट परीक्षण गरिएकोमा ७६ जनामा कोरोना भाइरसको संक्रमण देखिएको थियो । कोरोना संक्रमितमध्ये थाहामा २ जनाको मृत्यु भएको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
