थाहा नगरसभामा १० असारमा पेश भएको बजेटमाथिको छलफलका लागि आठदिन समय दिइएको छ ।
सभामा उपप्रमुख खड्ग गोपालीले आर्थिक वर्ष २०७७/०७८ को लागि अन्तरिक स्रोत ५ करोड १५ लाख ६० हजार, राजश्व बाँडफाँड १४ करोड ३७ लाख २० हजार, संघीय सरकारबाट अनुदान ५३ करोड २१ लाख, प्रदेश सरकारबाट अनुदान ७ करोड ८२ लाख ४३ हजारको बजेट सभामा पेश गरेका थिए ।
पेश भएको बजेटमाथि छलफल सहित १९ असारमा पास हुने गोपालीले बताए । थाहा नगरले सभामा ८० करोड ५६ लाख ३३ हजारको बजेट पेश गरेको हो ।
नगरसभामा पेश भएको नीति तथा कार्यक्रम भने सर्वसम्मत पास भएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
