मकवानपुरमा थप २४ जनामा कोरोना भाइरस संक्रमण पुष्टि भएको छ । किटजन्य रोग तथा अनुसन्धान तालिम केन्द्र, प्रादेशिक जनस्वास्थ्य प्रयोगशालामा गरिएको परीक्षणमा २४ जनामा कोरोना भाइरस संक्रमण पुष्टि भएको हो ।
कोरोना पुष्टि हुनेमा थाहा नगरका ७ जना ,हेटौंडा उपमहानगरपालिकाका १३ जना, मनहरीका दुई जना र राक्सिराङका एक जना रहेका छन् । त्यस्तै मकवानपुरमा बसोबास गर्दै आएका सुनसरी र चितवनका एकएक जनामा कोरोना पुष्टि भएको हो । संक्रमण पुष्टि हुनेहरुमा ९ महिला र १५ पुरुष रहेका छन् ।
यसअघि आज बिहान मात्रै हेटौंडा उपमहानगरपालिकाका ३३ सहित ३५ जनामा कोरोना भाइरस संक्रमण पुष्टि भएको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
