संविधान दिवस तथा राष्ट्रिय दिवसको अवसरमा थाहामा अन्तरक्रिया कार्यक्रम भएको छ । संविधान कार्यान्वयनमा स्थानीय तहको भूमिका विषयमा थाहा नगरपालिकाका जनप्रतिनिधि, राजनितिकदल, समाजसेवी, सरोकारवाला र सञ्चारकर्मीहरुको बिचमा अन्तरक्रिया गरिएको हो । संविधान दिवस तथा राष्ट्रिय दिवस मूल समारोह समिति थाहा नगरपालिकाको आयोजनामा थाहा नगरपालिकाको थानाबजारमा कार्यक्रम गरिएको थियो । यस लगत दिवसको अवसरमा आज नै थाहा–४ स्थित थाहा स्मारक निर्माण स्थलमा झण्डोत्तोलन समेत गरिएको छ ।
नगर प्रमुख लवशेर विष्टको संयोजकत्वमा गठित संविधान तथा राष्ट्रिय दिवस मूल समारोह समितिको आयोजनामा कार्यक्रम भएको हो । आज साँझ थानाबजार स्थित बुद्धचोकमा दीप प्रज्लन कार्यक्रम समेत आयोजना गरिएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
