उत्तरी मकवानपुरको थाहा नगरपालिकामा बाढीले बगाएको दामन–डाँडाबास सडक खण्डमा पुनर्निर्माण गरेर सडक सुचारु गरिएको छ । थाहा नगरपालिका वडा नं. ३ को भुङदाल देखि बागेखोला सम्मको सडक गत २९ असार रातिको समयमा आएको बाढीले बगाएको थियो । मकवानपुरको थाहा नगरपालिकाको घर्तिखोला, डाँडाबास, धादिङ हुँदै चितवनसम्म जोडिने सो सडकको घर्तिखोलामा बाढीले बगाएको एक किलोमिटर सडक पुननिर्माण गरेर सवारी सुचारु गरिएको हो ।
थाहा नगरपालिका–३, घर्तिखोलामा आएको बाढीले सडक बगाउँदा मकवानपुरको थाहानगरसहित कैलाश गाउँपालिका, धादिङको किरान्चोक, पिडा, महादेवस्थान लगायत क्षेत्रका बासिन्दाहरुलाई आवागमनमा समस्या परेको थियो ।
थाहा नगरपालिका ३ नं वडा कार्यालय र स्थानीय बासिन्दाको पहलमा एक्साभेटरको प्रयोग गरी सडक पुनर्निर्माण गरिएको हो । बाढीले सडक बगाए लगत्तै नगरपालिकाको बजेटबाट प्रति घण्टा ४ हजार ७ सय रुपियाँको दरले एक्साभेटर लगाएर सडक बनाइएको थाहा–३ का वडा अध्यक्ष राजेश केसीले बताए । सवारी सुचारु भएपछि कृषकहरुले उत्पादन गरेको तरकारी बजारसम्म पु¥याउन सहज भएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
