मकवानपुर थाहा नगरपालिका क्षेत्रको खानेपानी मुहानहरुको पानी स्वच्छ भएको पाइएको छ । नगरपालिकाले नगर क्षेत्रका विभिन्न सात पिउने पानीको मुहान र धाराको पानी प्रयोगशाला परीक्षण गराएकोमा स्वच्छता पाइएको हो ।
नगरपालिकाका स्वास्थ्य शाखा प्रमुख मेघराज बलामीका अनुसार टौखेल खानीपानी उपभोक्ता समूह, सिस्नेरी खानपानी उपभोक्ता समिति, कुन्छाल उपभोक्ता समति बज्रवाराही, दामन खानेपानी उपभोक्ता समिति अन्तर्गतको गरिएको हो । त्यस्तै भोट खोरिया खानेपानी उपभोक्ता समिति, बागेश्वरी खानेपानी उपभोक्ता समिति र देउखेल खानेपानी उपभोक्ता समितिको मुहान तथा धाराको पानी परीक्षण गरिएको हो । नगरपालिकाको वार्षिक स्वीकृत कार्यक्रम अनुसार पिउने पानीको गुणस्तर परीक्षण गरिएको प्रमुख बलामीले जानकारी दिए ।
हेटौंडा खानेपानी व्यवस्था बोर्डको प्रयोगशालामा पानी परीक्षण गरिएको हो । प्रयोगशालाले नगरपालिकालाई दिएको पानी गुणस्तर परीक्षण रिपोर्टमा ‘राष्ट्रिय खानेपानी गुणस्तर मापदण्ड अनुसारको पानी छ ।’
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
