मकवानपुर थाहा नगरापलिकाले समुदायमा कोरोना विरुद्ध सचेतना फैलाउनको लागि गठन भएका क्लष्टर कमिटिका व्यक्तिहरुलाई सामुदायिक स्वास्थ्य अभिमुखीकरण गरिएको छ । मेडिकल अधिकृतसहितको टोलीले कमिटिका सदस्य, शिक्षक, जनप्रतिनीधिलगायतलाई कोरोना भाइरस रोकथाम तथा निइत्रण सम्बन्धी अभिमुखकिरण गरिएको डाक्टर सुबोध चापागाइले बताए ।
टोलीले अहिलेसम्म वडा नम्बर ५, ७, ८, ११ र १२ मा यस्तो कार्यक्रम संचालन गरिसकेको स्थासथ्य शाखा प्रमुख मेघराज बलामीले जानकारी दिए । टोलीमा डाक्टर उदय रोका, डाक्टर सुबोध चापागाई, नर्सिङ निरीक्षक (अधिकृत) बालकुमारी ढकाल, विद्यालय नर्स रमिता भुजेल, हे.इ. चन्द्रदीप भुजेललगायतका स्वासथ्यकर्मीहरु रहेका छन् ।
थाहा नगरपालिकाले यसअघि प्रत्येक वडामा कम्तिमा ४ वटाका दरले नगरपालिकाले हरेक वडामा क्लष्टर निर्माण गरिसकेको छ । वडास्तरमा टोल÷बस्ती अनुगमन गर्न गठन गरिएका क्लस्टरको निगरानीकर्ता, वडा÷टोलका अगुवाहरुलाई कोरोना रोकथाम तथा नियन्त्रण गर्ने, नगरपालिका तथा स्वास्थ्यकर्मीहरुसंग समन्वय गर्ने लगायतका विविध विषयहरुमा सहजीकरण भएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
