मकवानपुर थाहानगरको बज्रवाराही (टिष्टुङ)मा नेपाल संवत् ११३९ भव्यताको साथ मनाइने भएको छ । थाहा नगरपालिका वडा नं. ६ मा ११ कार्तिकमा भएको छलफलमा कार्यक्रमलाई भव्यताको साथ संचालन गर्ने निर्णय भएको न्हुदँ ११३९ का संयोजक प्रमोद जोशीले जानकारी दिए ।
थाहा–६ का वडा अध्यक्ष शशीधर सुवेदीको उपस्थितीमा भएको भेलाले वर्षेनी नेवार िसमुदायको मात्र सहभागिता हुने गरेकोमा यसवर्ष गैर नेवारी समुदायबाट पनि सहभागिता जनाउने निर्णय भएको छ । नेपाल सरकारले राष्ट्रिय संवत्को रुपमा घोषणा भएको नेपाल संवत्लाई थप भव्य बनाउनको लागि १५ कार्तिकमा फेरि अर्को भेला हुने संयोजक जोशीले बताए ।
मकवानपुरमै नेपाल संवत्लाई उत्सवको रुपमा सबैभन्दा पहिले टिष्टुङबाट मनाउन थालिएको विश्वास गरिन्छ । यसवर्षको नेपाल संवत् यहि २२ कार्तिकमा परेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
