मकवानपुर थाहा नगरपालिकामा कार्यरत् शाखा अधिकृत अशोक विष्ट काज सरुवा भएका छन् । थाहा नगरपालिकामा योजना अनुगमन तथा प्रशासकीय अधिकृतको रुपमा रहेका विष्ट नुवाकोटको तादी गाउँपालिकामा प्रमुख प्रशासकीय अधिकृत भएर गएका हुन् ।
विष्टले थाहानगरमा करिब ५ महिना सेवा गरे । विष्टको विदाइका क्रममा नगर प्रमुख लवशेर विष्टले नगरमा उनले नगरमा पु¥याएको योगदानको चर्चा गरे ।
विदाई कार्यक्रममा प्रमुख प्रशासकीय अधिकृत हरिलाल पुरी, शिक्षा संयोजक लक्ष्मण दाहाल, स्वास्थ्य संयोजक मेघराज बलामी, लेखा अधिकृत शिवप्रसाद देवकोटा, इन्जिनियर सन्तोष बोहरा लगायत नगरपालिकाका कर्मचारीहरुको सहभागिता रहेको थियो । सहभागीहरुले सरुवा हुनु नियमित प्रक्रिया भएको बताउँदै विष्टको योगदानको प्रशंसा गरेका थिए ।
