मकवानपुर थाहा नगरपालिकाको पशुसेवा शाखाको आयोजनामा एक दिने अभिमुखीकरण कार्यक्रम सम्पन्न भएको छ ।
संघीय सरकारको सशर्त कार्यक्रम अन्तर्गत रहेको बर्डफ्लु, सिरम संकलन, सम्प्रेषण तथा पशुबाट मानिसमा र मानिसबाट पशुमा सर्ने रोगहरुको विषयमा अभिमुखीकरण भएको हो । सो अभिमुखीकरणको अवसरमा पशु स्वास्थ्यकर्मीहरुले गर्नुपर्ने रिपोटिङ सिस्टमको विषयमा पनि सिकाइएको शाखा प्रमुख राघबेन्द्र मिश्रले जानकारी दिए ।
अभिमुखीकरणमा थाहा नगरपालिका क्षेत्रमा रहेको पशु स्वास्थ्यकर्मी तथा पशुसेवा शाखाका पशु प्राविधिकहरुको सहभागिता रहेको थियो । अभिमुखीकरणका सहभागीहरुलाई क्षेत्रिय पशुपंक्षी तथा मत्स्य विकास निर्देशनालय बागमती प्रदेशका डाक्टर सजिता ज्ञवाली र डाक्टर बब्लु ठाकुरले सहजीकरण गरेका थिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
