sankalpa-1664788877.jpg
Tuesday, 4th October, 2022
वि.स.
PACO20790614-1664550304.jpg

थाहाका मेयर-उपमेरसहित जनप्रतिनिधिहरुले लिए प्रमाणपत्र, दलहरुसँग सहकार्य गर्दै अघि बढ्ने मेयर विष्टको प्रतिवद्धता

pramanpatra-bitaran-1652947722.jpg

३० बैशाखमा भएको स्थानीय तह निर्वाचन अन्तर्गत निर्वाचित थाहा नगरका मेयर, उपमेयर, वडा अध्यक्ष र वडा सदस्यहरुले निर्वाचित भएको प्रमाणपत्र लिएका छन् । थाहानगर निर्वाचन अधिकृतको कार्यालयले शिखरकोटस्थित विकास घरमा आयोजना गरेको एक कार्यक्रमबीच नवनिर्वाचित जन प्रतिनिधिहरुले प्रमाणपत्र लिएका हुन् ।

थाहानगर निर्वाचन अधिकृत तिर्थराज भट्टराइले नवनिर्विचित जन प्रतिनिधिहरुलाई प्रमाणपत्र प्रदान गरेका हुन् । थाहाका कार्यवाहक मेयर खड्गबहादुर गोपालीको प्रमुख आतिथ्यमा कार्यक्रम भएको हो। सो अवसरमा थाहाका निवर्तमान मेयर लवशेर विष्ट, प्रमुख प्रशासकीय अधिकृत हरिलाल पुरी, नेपाली काँग्रेसका थाहानगर सभापति प्रमोद जोशी, नेकपा एमाले थाहानगर अध्यक्ष अच्युत्तमप्रसाद ढकाल, नेकपा माओवादी केन्द्रका नगर अध्यक्ष विनोद लामा लगायतको उपस्थिति रहेको थियो ।

कार्यक्रममा निर्वाचित भएको प्रमाण ग्रहण गर्दै थाहाका नवनिर्वाचित मेयर विष्णुबहादुर विष्टले आगामी दिनमा थाहामा सबै दलहरुसँग सहकार्य गर्दै अघि बढ्ने प्रतिवद्धता जनाए । उनले थाहाको विकासमा सबै दलहरुको हातेमालो आवश्यक रहेको औँल्याए । 

कार्यक्रम  थाहानगर निर्वाचन अधिकृत तिर्थराज भट्टराइको अध्यक्षतामा भएको थियो । 



https://thahatimes.com/public/images/users/Thaaaaaaaaaaa-1575425238.png

थाहा टाइम्स

thahatimes@gmail.com

यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)