मकवानपुरको थाहा नगरपालिका बज्रवाराही (टिष्टुङ)मा यहि २४ असोजबाट शुरु हुने ‘टिष्टुङ महोत्सव–२०७५ को विषयमा प्रदेश ३ का मुख्य मन्त्री डोरमणी पौडेलसंग छलफल भएको छ ।
महोत्सवको उद्घाटन मुख्यमन्त्री पौडेलबाट उद्घाटन गर्ने कार्यक्रम तय तथा महोत्सवको विशेषताको विषयमा समेत छलफल भएको छ । छलफलमा मूल आयोजक समितिका संयोजक इन्द्र बहादुर श्रेष्ठ, मूल आयोजक समितिका प्रमोद जोशी, महेश्वर सुवेदीलगायतकाको सहभागी रहेको थियो ।
‘ऐतिहाँसिक टिष्टुङको पहिचान, सम्वृद्ध टिष्टुङ हाम्रो अभियान’ भन्ने नाराको साथ यहि २४ देखि २७ असोजसम्म आयोजना हुने महोत्सवको बज्रवाराही बजार व्यवस्थापन समिति र न्यू दया भिन्तुना मूल समारोह समितिले संयुक्त रुपमा महोत्सवको आयोजना गर्न लागेको हो ।
ऐतिहासिक टिस्टुङ अर्थात् हालको बज्रवाराहीमा फरक र मौलिक ढंगको महोत्सव हुने मूल आयोजक समारोह समितिका संयोजक इन्द्रबहादुर श्रेष्ठले बताए । महोत्सवलाई व्यवस्थित रुपमा संचालनको मूल समारोह समिति र अरु विविध २९ वटा विषयगत उपसमितिहरु गठन भइसकेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
