मकवानपुर भिमफेदी गाउँपालिका वडा नम्बर ९ मा जोखिम न्युनिकरणका लागि स्थानीयहरु आफै सक्रिय भएकाछन् ।
गाउँपालिकाको ९ नम्बर वडा स्थित लेकाली बसिफाँट मावि जाने बाटोमा पर्खाल भत्केका कारण जोखिम बढ्दै गएपछि सामुदायिक विकास केन्द्र नेपाल सिसिडिएनले झिरघारीमा संचालन गरेको रिफ्लेक्ट कक्षाका सहभागीहरुले निर्माणका लागि सहयोग जुटाएने भएका हुन् । पर्खाल निर्माणका लागि उनीहरुले ढुङ्गा, गिठ्ठी जुटाउन थालेका छन् ।
विद्यालयका बालबालिका दैनिक आवत जावत गर्ने बाटोमै पर्खाल भत्किएकोले निर्माण गर्नका लागि एडिसी, इसिएचओ, आइसीसीओ कोअपरेसन र केयर नेपालको सहयोगमा जाली उपलब्ध गराइने भएको शिब रुम्बाले जानकारी दिए । पर्खाल पूर्ण रुपमा निर्माण गर्नका लागि चार लाख रुपियाँ लाग्ने सिसिडिएनका प्राविधिकहरुले बताएकाछन् ।
दैनिक ४ सय भन्दा बढि बालबालिका आवत जावत गर्ने बाटोको वाल निर्माण गर्नका स्थानीयहरुबाट श्रमदान जुटाउन रिफ्लेक्ट कक्षाका सहभागीहरुले अनुरोध गरेका थिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
