हेटौँडा उपमहानगरपालिका वडा नम्बर १४ का विकास थिङ् मोटरसाईकल चोरीको अभियोगमा पक्राउ परेका छन् । जिल्ला प्रहरी कार्यालय मकवानपुरले आज पत्रकार सम्मेलनको आयोजना गर्दै पक्राउ परेका व्यक्ति र मोटरसाईकल सार्वजनिक गरेको हो ।
मकवानपुरको मनहरी गाउँपालिका वडा नम्बर ८ घर भएका प्रविण बर्तौलाको बजार मूल्य रु ६ लाख १० हजार पर्ने ग ११ प ४९४७ नम्बरको क्रस फाएर मोटर साईकल हेटौंडा १५ स्थित पार्किङ गरेर राखेको स्थानमा हराएपछि उनले प्रहरीमा उजुरी दिएका थिए । बर्तौलाको उजुरी उपर खटिएको प्रहरी टोलीले बुधबार हेटौंडा १४ बाट मोटरसाईकल सहित थिङलाई पक्राउ गरेको हो ।
जिल्ला प्रहरी कार्यालय मकवानपुरका प्रहरी प्रमुख एसपी मुकेश कुमार सिंहले मोटरसाईकल चोरी गर्नेलाई कानूनी प्रावधान अनुसार ३ बर्ष कैद र रु ३० हजारसम्म जरिवाना हुनसक्ने बताए ।
उनले आवश्यक अनुसन्धान भईरहेको समेत बताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
