सर्लाहीमा बिहिबार बिहान चट्याङ लागेर एक जनाको मृत्यु भएका छन् भने दुई जना घाईते भएका छन् ।रोपाइँ गर्ने क्रममा चट्याङ लागेर जिल्लाको बागमती नगरपालिका–१० नयाँबस्तीका १८ वर्षीय छोटु पासवानको मृत्यु भएको प्रहरीले जनाएको छ ।
बिहिबार बिहान बागमती नगरपालिका–८ निवासी सुनमाया बस्नेतको खेतमा धान रोप्दै गरेको समयमा परेको चट्याङ लागेर गम्भीर घाइते भएका पासवानको उपचारको लागि अस्पताल लैजाने क्रममा बाटोमै मृत्यु भएको हो ।चट्याङ लागेर स्थानीय कमलादेवी मुखिया घाइते भएका छन् । घाइते उनको अवस्था सामान्य रहेको प्रहरीले जनाएको छ ।
त्यस्तै, चट्याङ लागेर जिल्लाको बलरा नगरपालिकामा एक युवक घाइते भएको छ । आज बिहान वर्षासँगै परेको चट्याङ लागेर बलरा नगरपालिका–१ का ३५ वर्षीय बरुण सहनी घाइते भएका हुन् ।उनीलाई उपचारका लागि भारतको सितामढीतर्फ लगिएको प्रहरीले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
