मकवानपुरगढी गाउँपालिकामा खरको छानो मुक्त गर्ने अभियान चलिरहेको छ । गरिबीका कारण अहिले पनि खरको छाना लगाएर बसोबास गरेकाहरुलाई जस्ताको छानो सहयोग गर्ने अभियान संघीय सरकार र गढी गाउँपालिकाले सञ्चालन गरेको छ ।
बितेको आर्थिक वर्ष देखिनै यो अभियान सुरु गरिएको र चालु आर्थिक वर्षमा पनि दश लाख रुपैयाँले खरको छानो मुक्त अभियानमा काम गरिने मकवानपुर गढी गाउँपालिकाका अध्यक्ष विदुर हुमागाँईले बताए।
मकवानपुरगढीमा संघीय सरकारले एक सय घरमा खरको छानो हालिदिने भएको छ । संघीय सरकारको कार्यक्रमलाई थप प्रभाबकारी वनाउन गाउँपालिका पनि लागिपरेको छ । एक सय घरुमा अपुग भएका स्थानमा गढी गाउँपालिकाको बजेटले खरको छानो मुक्त गर्न लागिएको हो । सुरक्षित आवास कार्यक्रम अन्तरगत खरको छानो मुक्त गर्न लागिएको अध्यक्ष हुमागाईले वताउनुभयो । यो अभियान मकवानपुरगढीको सुकौरा, बुढीचौर, गढी, आमभन्ज्याङ लगायतका क्षेत्रमा सञ्चालन गरिने छ ।
गाउँपालिकाले भने खरको छानो नापेर जस्ता खरिद गरेर हस्तान्तरण गर्ने योजना वनाएको छ । बितेको वर्ष देखि सञ्चालन गरिएको यो अभियान आउँदो वर्ष सम्ममा मकवानपुरगढी गाउँपालिकाभरीमा खरको छानो मुक्त पारिसक्ने योजना रहेको अध्यक्ष हुमागाईले वताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
