विश्व स्वास्थ्य संगठन (डब्ल्यूएचओ)ले कोरोनाभाइरसका संक्रमितहरुको कडा निगरानी गर्न सुझाव दिएको छ । संक्रमण दरलाई बढ्न नदिन तथा सकेसम्म समुदायस्तरमा फैलिन नदिन यस्तो निगरानीको निकै खाँचो रहेको संगठनले जनाएको हो ।
डब्ल्यूएचओले प्रत्येक देशले प्रतिदिन १० लाख मानिसमध्ये कम्तीमा पनि १४० जनाको ‘पीसीआर’ परीक्षण गर्नुपर्ने सुझाव दिएको हो ।
भारतका विभिन्न २२ संक्रमित स्थानहरुमा प्रतिदिन प्रति १० लाखमध्ये १४० जनामा र कहीँ त्योभन्दा पनि बढी मानिसमा यसको परीक्षण गर्ने गरेको पाइएकोे छ । तर, पछिल्ला हप्ताहरुमा भारतमा प्रति १० लाख मानिसमध्ये कतै आठ हजारभन्दा पनि बढीमा परीक्षण गर्ने गरिएको छ ।
भारतमा पछिल्ला हप्ताहरुमा एक हजार २०० भन्दा पनि बढी प्रयोगशालाहरुबाट शंकास्पद मानिसहरुको परीक्षण गर्ने गरिएको बताइएको छ ।
एजेन्सी
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
