थाहा नगरपालिकामा कोरोना भाइरसबाट सर्ने कोभिड–१९ को रोकथाम तथा नियन्त्रणमा सहयोग पु¥याउन थाहा नगरपालिकाले सामुदायिक सचेतना कार्यक्रम संचालन गरेको छ ।
नगरपालिकाले लकडाउनपछि नगर बाहिरबाट आएकाहरुलाई मध्येनजर गरेर डाक्टरसहितको टोलीले सचेतना कार्यक्रम संचालन गरिरहेको प्रमुख प्रशासकीय अधिकृत हरिलाल पुरीले जानकारी दिए । ‘काठमाण्डौ, हेटौंडा तथा अन्य क्षेत्रमा रोजगारीमा गएकाहरु गाउँ फकेृपछि व्यक्तिगत भेटघाटलाई तिब्रता दिने भएकाले यस्तो कार्यक्रम गरिएको हो’–स्वास्थ्य संयोजक मेघराज बलामीले भने–विदेशबाट आएकालाई त घरघरमै पुगेर स्वास्थ्य जाँच गरिरहेका छौं ।’ कार्यक्रममा उनहिरुलाई कोरोनाबाट बच्न अपनाइने विधि र यसबाट बस्ने, रोकथाम नियन्त्रणका उपायहरुमा सहजीकरण भैरहेको डाक्टर सुबोध चापागाइँले बताए ।
थाहा नगरपालिकामा विदेशबाट आएका ७० जना रहेका छन् भने १७ वैशाखसम्म १ हजार ७२८ जना पैदल हिँडेरै नगर भित्रिएका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
